حاولي تفهميني كلمات د/بوشعيب سايح

حاولي تفهميني
ملي نهضر معاك حاولي تفهميني
و الشي لي فقلبك غير گوليه
أنا ما قلتلكش بزز تبغيني
قلبك من حقوا يعشق اللي يبغيه
أنا طلبت منك غير تصارحيني
ما تهمنيش كلمة لالا ولاّ إيه
غير كلمة , تفري اللي بينك وبينـــــــــــي
و تريحني من لعذاب اللي راني فيه
يا الغالية راكي عييتيني
وقتاش قلب العاشق تفهميه
طبطبت و ناديت ما جاوبتيني
ما عرفتش علاش بابك سديتيه
كون طرا ليك اللي طرالي تعدريني
أنا همي غير ربي اللي عالم بيه
محگور في عشقك حگرتينـــي
قلبي كان هاني و أنتي هولتيه
مظلوم في غرامك ظلمتينـــي
و جميع من ظلم الدنيا دارت عليه
بريء و بسكاتك تهمتينـــــي
ربي يحاسبك على الشيء اللي درتيه
درتيني في قفز وسجنتينـــــي
عماتلك الدنيا عقلك ودرتيــــــه
في سجن لعذاب وحدي خليتيني
سديتي لبواب و الساروت ديتيـه
لكن ربي كريم و قادر ينجينــــي
و ما بقالي غير نوكل أمري ليه
قادر المولى يبليك كيما بليتينـي
و يسجنك فالقفز اللي راني فيه
ما طلبتش المحال غير حاجة تكفينــــــي
صارحيني و اللي في قلبك گوليه
أنا حتى لو كان نعرف بلي تكرهيني
نحلف على وجهي ما تزيديش تشوفيه
ما نبكيلك ما تطيح دمعة من عينـــــــــــي
لو كان يبكي قلبي نقلعو نرميه
نبغيك , نبغيك أومانرضاش باش تذليــــني
و لو نموت , الذل ما نرضا بيه
أنا نموت غير فالقلب اللي يبغينـــــــــــــي
و اللي باعني تدور الدنيا نشريه
أنتي بصح غزالة تعجبينـــــــي
و هاد الشــــي لازم عليك تعرفيه
أو ماتقدريش تعرفي حتى تعرفيني
أو باش تعرفيني لازم عقلك تفورماطيه
هامل في گلبي و زدتي همّلتينـي
الهامل هموم اللي عداها تكفيــــــه
راني كي الطير في قفزك سجنتيني
و اللي فديتو بدمعة ربي عالم بيه.
​د/بوشعيب سايح