قصر الكلام كلمات الشاعر صبري القن

قصر  الكلام    .......   (   صبرى  القن
------------

من خاف  سلم   .. 
والباشا تلم  ..  علم
 م  الأخر  أوعى وشك
خاف  على  راسك 
من رصاص  طايش  ..
خليك  عايش  ..
 وربى  العيّلين  ..
بلاش  تقف  أدامه  ..
ف الجايه  والرايحة
وان كان  بينك  وبينه
حساب  ..
خليه   ..  ليوم  الحساب   ..
وبلاش  مناهده ..
الدنيا  شاهده  !!
والسلاح  ف أيده
غبى    ..   ومبحلق  عينيه  !!
كرمش  ورقتين 
عند  اللزوم  ..   يابيه
هيضرب  لك تحية
والجنيه  ..
ذى  الكارنيه   تمام
هو ده  قصر  الكلام   ..
هو
ده 
قصر
الكلام