طعم الوداع كلمات الشاعر عادل عبد الرازق
********
بقلمي / عادل عبد الرازق
----------------------
طعم الوداع كان مرار
والأمّر انك تخوني
أنا مش تاعبني الانكسار
لكن دموعي بيألموني
مش قادر اصدّق اللي كان
الشط يغدر به بحره الجبان
وصوت الملحد يعلا وقت الأدان
وفي لحظة تتحقق ظنوني
طعم الوداع كان مرار
والأمّر انك تخوني
ما كانش حلم ده كان سراب
ما كانش حب ده كان خديعة
ما فضلش بعده غير عذاب
ودمعة في ضلوعي ووجيعة
أه م الجراح لمّا تمررّ
ما كونتش يا قلبي تتصوّر
إن الوداع ده يتقدر
والعيون الخاينة يغرّبوني
طعم الوداع كان مرار
والأمّر انك تخوني
خليكي يا آه فوق شفايفي
خليكي يا دمعة فوق لساني
ماهو انت يا قلبي اللي صدّقت
إننا نقدر نحب تاني
حب واحد كان كفاية
لمّا خادنا للنهاية
كان علينا كان كفاية
يكسروك ويكسروني
طعم الوداع كان مرار
والأمّر انك تخوني
**************
عادل عبد الرازق
**************
Commentaires
Enregistrer un commentaire